زواج الملازم أول حيدر صبح وقصة والدة الجريح حيدر صبح
من هي زوجة الملازم أول حيدر صبح ويكيبيديا
زينب مهنا
كل الامنيات الجميلة بحياة زوجية سعيدة ..
الجريح البطل الملازم أول حيدر صبح من جبلة و الانسة بنت الأصل. زينب مهنا
الف الف الف مبروك
توزّع آل صبح في الساحل السوري في عدة قرى ومناطق، فهم موجودون في الشیخ بدر و في مصیاف وفي قرى جبلة، ومن أجدادهم الشیخ صبح الضویعي وهو من رجال الدعوة المشهورة في زمن السلطان أبي الفداء سلطان حماة الذي عاش في القرن السابع الهجري مع الشیخ الجلیل حاتم الطوباني ورجال الدعوة العشرة.
قصة والدة الجريح حيدر صبح
كتبت والدة الجريح الملازم حيدر صبح هذه الكلمات النابعة من القلب
رح احكي قصتي واحلامي فيك ياابني ..
كان حلمك من الطفولة تصير ضابط بالجيش وكبرت وضل الحلم عم يكبر معك وانا قول انشالله يتحقق الي ببالك ياماما.لوقت نجحت البكلوريا وضليت مصر على حلمك وانتسبت للكلية وفرحتلك وكان اول غصة بقلبي ممزوجة بالفرح يوم سافرت عالكلية.
بنص السنة التانية من الكلية خطرلي بس تتخرج اعملك حفلة كبيرة نعبر عن فرحتنا فيك وبتحقيق حلمك؛بس للاسف استشهد خالك وشلت الفكرة من راسي لان الحزن خيم عقلبي وماضل للفرح مطرح.
لكن امي الله يصبر قلبا قالتلي ماتخجليه وافرحيلو ياامي وانا مابزعل هاد ابنك والو عليكي حق تشاركيه فرحتو آاااخ ياامي ماأصعبا كيف بدي اجمع بين حزني ع خيي وفرحي فيك ياابني شاركتك ياضنا قلبي بفرحتك وقلبي عم يتمزق من القهر خيي مالو كم شهر مفارقنا وانا عم افرح
بس جالي كلامك ياامي لما تصاوب الغالي ...
#تصاوب نبض القلب بدرعا بعد التخرج بكم شهر..وماكنت بعرف شو اصابتو بالظبط. ساعات لوصلت لعندو كانت بتعادل سنين ..والناس المحبة تدقلي وتسالني عنو وانا مابعرف شي .
#وبعد ماوصلت بساعة عرفت انو انشلو اجريك ياقهر قلبي عليك ياريت متت الف موتة وماقريت هديك الاضبارة
#كانت اقسى لحظات عمري لما فتحت عيونك ياروحي وقلتلي #ياموووو ليكي شو صارفيني قلتلك شوصار ..قلتلي خلااااااص راحو اجريي ياامي مابقى فيني امشي كيف حبست حالي ودموعي الله اعلم ..قلتلك مين قلك ...لا ياامي بكرا بتصح وبتوقف عاجريك الله كريم ياامي..خيييك فاضت عيونو وبرم وجهو من سؤالك ومابقى فيه يوقف قدامك.هاد الاخ اللي انكسر ضهرو وقلبو ع اخوه
مالحقت تفرح بالبدلة ولا بالرتبة ولا بحلمك ياحسرة هالقلب
وهي كملت سنة ونص من المعاناة ياضناي
وانا بحمد الله بشكرو ع وجودك بيناتنا ع امل انو ربنا يشفيك ويعافيك وترجع تتعافى وافرح فيك يايامووو
#وبشكر كل رفاقك اللي حملوك وسعفوك تحت القصف. وبدعيلون من كل قلبي الهي يحميهون ويخليهون لاهلن ونفرح فيهون لانن اخوة مو رفقات .نيالك عهالاخوة اللي ماتركوك بكل هالوقت..الله يوفقهن ويرحم روحو للغالي زين اللي الله اصطفاه ليكون من العليينكمان كان معك وماتركك ..ألف رحمة لروحو الطاهرة والله يصبر قلوب اهلو .#يااارب تكرمني بشفا الغالي وتشفي كل جريح
